Балғамен соғып жіберген
Өскемен қаласында 19 қазан күні бұзақылардың бірі қала тұрғынын балғамен ұрып жіберген
Зардап шеккен тұрғын бірден полиция қызметіне жүгінді.
41 жастағы тұрғынның сөзіне сүйенсек, жас шамасы 25-тердегі бөгде азамат Новаторов көшесіндегі дүкендердің бірінің маңында оны балғамен ұрып жіберген.
Бұзақы көп ұзамай қолға түсті. Ол 32 жастағы қала тұрғыны болып шықты, өз ісін мойындады.
- Аталған факті бойынша ҚР ҚК 293-бабы 1-бөлігі бойынша сотқа дейінгі тергеу басталды, - деп мәлімдеді Өскемен қалалық ПБ баспасөз қызметі.
Бұзақының бөтен азаматқа неге тап бергені жөнінде полиция қызметкерлері айтпады.