ШҚО-да дәстүрлі емес медициналық әдістерді қолдана отырып, курорт ашылады

Жыл сайын Шығыс Қазақстан билігі аймаққа туристік ағымды арттыру үшін туризм саласын жетілдіріп жатыр, деп хабарлайды Устинка LIVE тілшісі.

Таяудағы бірнеше жылда сапалы қызмет көрсететін төрт жұлдызды қонақ үйлердің құрылысына, қолма-қол ақшасыз төлем жүйелері, радон суы бар жыл бойғы демалыстар, сауықтыру орталықтары және басқаларына миллиардтаған қаражат жұмсау жоспарлануда.

Катонқарағай ауылындағы аурухана базасындаы медициналық туризмді дамыту үшін Қазақстанда бірінші және посткеңестік кеңістікте шөп медицинасына негізделген балама медицина орталығын ашу жоспарлануда. Қазір бір топ дәрігер Қытай орталығында білім алып жатыр.

- Науқастар панто және фитотерапияны қолдана алады, - дейді ШҚО денсаулық сақтау басқармасы басшысының орынбасары Раифа Сафиоллинова облыс әкімдігінде өткен жиында. - Мемлкеттік жекеменшік әріптестік аясында шөппен емделетін курортты құруға ауруханадағы бос орынды пайдалану нұсқаларын қарастыру үшін ШҚО экономика басқармасына құжаттар дайындалып, тапсырылды.

Аймақ басшысы Даниал Ахметов Шығыс Қазақстан облысының денсаулық сақтау басқармасына өңірімізде нақты қажеттілік болатын қызметтерді зерделеуді тапсырды.

- Мұның бәрі жақсы, - деді Даниал Ахметов. - Бірақ мен денсаулық сақтау саласында үш-төрт жыл ішінде елдің жетекші көрсеткіштеріне жетуді мақсат етіп қойдым. Сіздермен немесе басқа дәрігерлермен бірге біз бұған қол жеткізетінімізге сенімдімін!