Өскемен мен ШҚО Халық аспаптарының үнін сағынсаңыз...
Байжігіт атындағы қазақ халық аспаптар оркестрі көрермендерге қайта жол тартты
30 қазан күні Өскемен қаласындағы "Ертіс концерт" залында Байжігіт атындағы қазақ халық аспаптар оркестрінің маусымашар концерті өтеді. Аталмыш оркестр құрылғалы Өскемендегі қазақ руханиятының өңі өзгеріп, ұлттық әуендері көптеген кештерде естіліп жүргені белгілі. Содан да болар, оркестрдің әр кешіне қанында қазақылықтың жылты бар жанның көбі келеді.
Кеште жергілікті әншілер мен домбырашылар өнер көрсетіп, өнерсүйер қауым үшін шертер мен сазсырнайда әуендер орындалады. Ал оркестрге өз кезегінде Шалқар Рысқанов пен Ержан Қасымханов дирижерлік етеді.
Көптен бері рухани кешті көрмеген болсаңыз, 30 қазан күні сағат 18.30-да Шығыс қазақстан облысының Байжігіт атындағы қазақ халық аспаптар оркестрі "Ертіс концерт" залында күтеді. Билет бағасы - 1000 теңге. Анықтама телефоны: +7 705 500 50 17.
