Өскемендегі 944 көпқабатты үй жылу жүйесіне қосылды

Облыс орталығында жекеменшік және көп қабатты үйлерге, сондай-ақ алдағы қысқа дайын мекемелердің ғимараттарына жылу беру жалғасуда.

Жылу беру маусымына көпқабатты үйлер, түрлі ұйымдар мен мекемелердің ғимараттары қазанның 1-інен 7-сіне дейін қосылады. Былтырғыдай техникалық тұрғыдан дайын үйлерге жылу бірінші беріледі.

Өскемен жылу желілері баспасөз қызметінің хабарлауынша, 2 қазандағы жағдай бойынша облыс орталығында 944 көп пәтерлі тұрғын үй мен 333 жеке сектор жылу жүйесіне қосылды.

Ал тұрғындар өз пәтерлеріне жылу қашан берілетінін «Жылу желілері» АҚ сайытында www.ukteplo.kz көрсетілген «Тұтынушыларға» – «Жылыту кезеңіне дайындық жұмыстары» пәрмендері арқылы біле алалды.

- Ұсынылған кестеде өзгерістер болуы мүмкін. Күн сайын деректерді түзету жүргізіледі. Дайын емес нысандар кестеге енгізілген және "дайын емес" деген арнайы белгімен көрсетілген, - деп хабарлайды "Өскемен жылу желілері" АҚ баспасөз қызметі.

Тақырыптар: Подключили к теплу Отопительный сезон в Усть-Каменогорске АО "Усть-Каменогорские тепловые сети"