Өскемен мен ШҚО Жазаларын жеңілдетуде
"Участок" атты республикалық профилактикалық іс шарасы басталды
"Участок" жедел алдын алу іс шараларын өткізу кезінде ПҚБ қызметкерлері жергілікті учаскелік полиция қызметкерлерімен бірге есепте тұрған сотталғандарды мекенжайы, демалатын ойын-сауық кешендері бойынша кешкі және түнгі уақыт аралығында тексеріс жүргізеді.
Өткізілген іс-шаралар барысында аталған тұлғалар арасында жазасын өтеуден бас тарту немесе басқа да бұзушылықтар анықталған жағдайда Солжағалау аудандық пробация қызметі бөлімі сот органдарына сотталған тұлғаларға қатысты жазасын өтеудегі сынақ мерзімін ұзарту немесе қоғамнан оқшалауға байланысты емес жазасын бас бостандығын айыру жазасына ауыстыру жайлы ұсыныс енгізеді.
- Қазіргі уақытта Солжағалау аудандық пробация қызметі есебінің тіркеуінде қоғамнан оқшалауға байланысты емес 178 сотталған жазасын өтеуде, - дейді Солжағалау аудандық ПҚБ инспекторы әділет капитаны А. Куатбекова. - Өткізіліп жатқан іс-шараның алғашқы күндернің өзінде 2 сотталғанға қатысты қоғамнан оқшалауға байланысты емес жазаларын бас бостандығын айыру жазаларына ауыстырып, жазасын өтеу үшін түзеу мекемесіне жіберу туралы мәселесі сотта қаралуда. Осы өткізіліп жатқан іс-шараның мақсаты - қоғамнан оқшалауға байланысты емес жазаларға сотталған тұлғалар тарапынан құқық бұзушылық пен қылмысты болдырмау және олардың алдын алу және сотталғандарды оң жолға бағыттау.
