Өскемен мен ШҚО 
42-ші автобусқа шағымданған Ахмер тұрғындары жолды жауып тастады
Уақытымен жүрмейтін автобусқа назын айта-айта шаршаған Ахмер тұрғындары бұл жолы биліктегілердің назарын осылай аударған
№42 бағыттағы автобустық қызметіне наразы жұрт жолды жауып, қала әкімі Жақсылық Омардың өзі жетпейінше тарқамаған. Осының салдарынан Понтон көпірінен Ахмерге дейін көліктер ары-бері жүре алмай, үлкен кептеліс туды.
42-ші автобус саны аз, үнемі аузы-мұрнынан шығып жүретінін былай қойғанда, оқу жылы бастала тіпті кестеден ауытқып кеткен. Тек Ахмерде ғана емес, жалпы қалада қоғамдық көліктер қатынасы үлкен мәселе тудырып тұрғанын бұған дейін біз де жазғанбыз. Алайда тасымалдаушы компания өкілдері жүргізушілер мен кондуктордың жетпейтіндігіне сілтеп отыр. Бұл мәселеге биліктегілер де салғырттық танытып келді. Ақыры өздерін естір құлақ болмаған соң, Ахмер тұрғындары осындай қадамға баруға мәжбүр болған.
- Сеніңіздер, мен бұл мәселені шешуге уәде етемін, - деді әкім.
Қала әкімі бүгін "Vosca" ЖШС тасымалдаушы компания басшылығымен кездесуі керек.