Өскемен мен ШҚО Қалалық және облыстық әкімдіктер ЖМК ауданына көшпейді
Бұған дейін шенеуніктер екі әкімдік те Өскеменнің солжағалау ауданына көшіріледі дегенді айтқан еді
Десе де, әкімдіктер әзірге орындарында қалады.
Қалалық және облыстық әкімдік ғимараттарын ЖМК ауданына көшіру туралы сөз 2015 жылы айтылған. Ол кезде тіпті жаңа ғимараттардың құрылысына 19-шы шағын ауданнан жер телімі де бөлініп қойған. Уақыт өте келе басқа әкімшілік ұйымдар да осы ауданға көшіріледі деп жоспарланған. Алайда...
- Бүгінгі күні қалалық та, облыстық та әкімдікті көшіру бойынша жоспар жоқ, - деп мәлімдеді Өскемен қалалық ішкі саясат, мәдениет және тілдерді дамыту бөлімінің басшысы Индира Қалжабаева. - Сәйкесінше, ғимаратқа басқа мекемелерді қоныстандыру сұрағы да қарастырылмайды.
Шенеуніктердің бұрынғы шешімдерін неліктен өзгерткендері белгісіз. Бәлкім, облыстық әкімдіктегі барлық бөлімдерді басқа орынға көшіру үшін кететін қаржы кедергі болса керек деген пайым ғана.
