ШҚО-ға 450-ден астам шетелдік заңсыз кірген

Тек алғашқы екі күн ішінде облыста шетелдік азаматтардың ел аумағында өту ережесін бұзған 452 адам анықталды, деп хабарлайды Устинка LIVE. ШҚО-да 73 мигрант заңсыз жұмыс істеген. Сонымен қатар, ҚР 22 азаматы шетелдік жұмыс күшін тарту ережелерін бұзғаны үшін жауапкершілікке тартылды.

- Ел аумағынан шығару туралы сот шешімін орындамаған және Қазақстан Республикасынан кетпеген шетелдік азаматтарға қатысты бес құқық бұзушылық тіркелді, - деп хабарлады ШҚО ІІД баспасөз қызметі. - 260 шетелдік азаматтың уақытша тұру мерзімі қысқартылды. Сонымен қатар, РФ-ның бір азаматы ҚР-ның шекарасынан айналып өтуге әрекет жасаған. Оған қатысты ҚР ҚК 392-бабы бойынша қылмыстық тергеу басталды.