Өскемен мен ШҚО Ата заң – еліміздің тірегі
ШҚО бойынша ҚАЖ Департаментіне қарасты ОВ-156/2 мекемесінде ҚР Конституциясы күніне орай спорттық және мәдени іс-шаралар ұйымдастырылды
Ауқымды іс-шараға мекеме жасақтарындағы барлық сотталғандар белсене қатысты.
1995 жылы 30 тамызда еліміздің негізгі құқықтық құжаты болып табылатын Конституциямыз бүкілхалықтық Референдумда қабылданды. ҚР Конституциясының басты қағидасы – адам және азаматтың құқықтары мен еркіндігі. Конституцияға сәйкес биліктің қайнар көзі – халық. Конституция тәуелсіздіктің бір нышаны болғандықтан, Конституция күні – еліміздің азаматтары үшін орны бөлек мереке.
- Іс-шараның ашылу салтанаты мекеме клубында Қазақстан Республикасы Конституциясының қысқаша тарихын баяндаудан басталды, - дейді ОВ-156/2 мекемесі САӘПТЖ бөлімі бастығының м.а. әділет аға лейтенанты К. Кумпеисов. - Мерекелік іс-шара аясында тәрбие бөлімінің ұйымдастыруымен Конституция күніне арналған концерт қойылды. Сотталғандар патриоттық әндер орындап, көрермендерді қуантты. Концерттік программаның соңында жасақтар арасында қабырға газеттерін шығарудан шағын сайыс өткізіліп, сотталғандар өздері жасаған туындыларын ортаға салды.