Өскемен мен ШҚО Өз шешесін тонап кеткен
Зейнеткердің төсек орнының астынан 640 мың теңге мен 300 доллар жоғалып кеткен
85 жастағы кейуана ақшаның жоқтығын байқаған бойда полиция қызметіне қоңырау шалған.
Зейнеткер ақшасын жымқырған 59 жастағы өзінің ұлы болуы керек деп күдіктенген. Расымен де ана жүрегі алдамаған екен. Өзімен бірге тұрып жатқаны ұлы ақшаны ұрлап кеткен. Ол өз қылмысын мойындаған.
- 31 тамыз күні дәл осындай жағдай Семей қаласында да орын алған. 38 жастағы азамат өз анасының 4 банкі тұздалған өнімін ұрлап кеткен, - деп хабарлайды ШҚО ПД баспасөз қызметі. - Қысқа сақтаған тұздамасы жоғалғанын байқанағ әйел полиция қызметіне жүгінген. Ұрланған заттар түгел иесіне қайтарылды.
Қазіргі таңда ақша ұрлығына қатысты ҚР ҚК 188-бабы 1-бөлігі бойынша сотқа дейінгі тергеу басталды. Енді өз анасын тонаған ер адам 1 мың АЕК көлемінде айыппұл төлеуі мүмкін. Бұл дегеніміз – 2,5 млн теңге.
