Өскемен мен ШҚО Өскеменде жыл соңына дейін жеті балабақша ашылады
Бұл туралы қалалық мәслихат сессиясында облыс орталығының әкімі Жақсылық Омар мәлімдеді
Жаңа балабақша құрылысы мен ескі балабақшаларды жөндеу есебінен облыс орталығында 950 қосымша орын ашылады, деп хабарлайды Устинка LIVE тілшісі.
Қазір бір жастан алты жасқа дейінгі 12 мыңнан астам бала мектепке дейінгі мекемелерге кезекте тұр. Өскемен қаласының әкімі Жақсылық Омардың айтуынша, жыл соңына дейін қалада жеті балабақша ашылады.
- Бірнеше мектепке дейінгі мекемелер ашу жоспарлануда: Добролюбов көшесі, 39/1 бойында 175 орындық "Болашақ", Самар тас жолында 75 орындық "Лагрупп", Амурская көшесі, 2/А бойында балаларға арналған "Страна чудес", Протозанов көшесі, 95 маңында 50 орындық "Аймир78", 100 орындық Ertis city, - деді қала басшысы Жақсылық Омар. - Қазан айына дейін Өтепов көшесі, 14 және Қ. Ысқақ көшесі, 2, мекенжайы бойынша 500 орындық екі балабақшаның жұмысы аяқталады.
Қала басшысының айтуынша, МЖС аясында Көкжал Барақ көшесінде 240 орындық балабақша салынады.
- Бұл кепілді бизнестің жарқын үлгісі, - деді ол. - Инвестор Оңтүстік Қазақстаннан балабақша салу үшін келді. Менің ойымша, жыл соңына дейін ол ашылады және балаларды қабылдай бастайды.
