Қалалық қоқысты үш күн бойы өрт сөндірушілерді шақырмай, өздері өшіруге тырысқан

Өскемендіктер тағы да тұншыға түсті. Көшедегі газ аздай, қалалық қоқысы орнынан өрт шықты. Қала түтінмен көмкерілді.Дем алу мүмкін емес. Тұрғындар үйлеріндегі терезелерді жауып әлек, деп хабарлайды Устинка LIVE.

Ең қызығы, Шмелев Лог аумағынан шыққан өрт жұма күні басталған, алайда бұл туралы ешкім білмеген. Осы ТҚҚ полигонына жауапты «Оскеменспецкоммунтранс» ЖШС-ның қызметкерлері өртті өздері сөндіруге тырысқан, алайда мүмкін болмаған кезде өрт сөндірушілерді көмекке шақырды. Бірақ құтқарушыларды тек жексенбі күні кешке шақырған.

- Біз өртті жұма және сенбіде сөндірдік, жексенбіде өрт сөндірушілерді шақырдық, біз оны өз күшімізбен жоямыз деп ойладық - деді Өскеменспецкоммунтранс» ЖШС директорының орынбасары Жұпар Қожахметова.

Полигонда барлығы 25 текше метр қоқыс бар. Соңғы мәліметтер бойынша бір гектардан астам қоқыс өртенді. Ал өрт әлі түтеп тұр.

Өскемен қалалық төтенше жағдайлар бөлімі өртті сөндіруге жаңа күштер мен құралдар тартылуда деп хабарлайды.

- Қалалық қоқыс полигонында өрт сөндірушілер 12 құтқарушы мен үш өрт сөндіру машинасынан тұратын өрттің таралуын болдырмау бойынша жұмыстарды жалғастыруда. Арнайы техниканың алты бірлігі және "Өскеменспецкоммунтранс" ЖШС, "Өскемен-Тәртіп" ЖШС, "Новая Согра" ПВХ-дағы "Өскемен су арнасы" КГУ және ГКП ұйымдарынан 18 адам құтқарушыларға көмектесіп жатыр. Оқиға орнына жергілікті атқарушы органдар қосымша арнайы құрал-жабдықтар жіберді, олардың көмегімен қоқыс қалдықтарын жиып, өрттің одан әрі таралуын болдырмауға тырысуда, - дейді ведомство.

Қазір оқиға орынында Өскемен қаласы әкімінің орынбасары Тамара Рахымжанова жүр. Жағдай ауыр және 2017 жылы болған жағдайды қайталауы мүмкін. Ол кезде Лесхоз ауданындағы полигонда өртті сөндіруге бірнеше күн қажет болды. Бұл өртті де толық жоюға бір күннен артық уақыт кетуі мүмкін. Азаматтарға көшеде аз болуға кеңес айтылды.