Өскемен мен ШҚО Студенттік кредит керек пе?
Қыркүйек айынан студенттер арасында жаңа жоба басталмақ. Волонтер болу арқылы студенттерге ақшалай сыйақы беріліп, академиялық кредиттері қайта есепке алынады
Қазақстан Республикасының Тұңғыш Президенті Н.Ә. Назарбаев 2019 жылды Жастар жылы деп жариялады. Осыған орай, студенттерді әлеуметтік және қоғамдық - пайдалы қызметке кеңінен тартуға бағытталған "Әлеуметтік студенттік кредит" жобасы басталады.
Жоба аясында жоғары оқу орындарының студенттері ақшалай сыйақы алып, қоғамдық-пайдалы жұмыс нәтижелері үшін академиялық кредиттерді қайта есепке ала
алады.
Күндізгі оқу нысанындағы жоғары оқу орындарының студенттеріне 20 сағат қызметі үшін 20 000 теңгеге, 50 сағат қызметі үшін 50 000 теңгеге әлеуметтік студенттік кредит түрлері ұсынылады.
Студенттер волонтерлер ретінде балалар үйлерінде, қарттар үйлерінде, білім беру және басқа да әлеуметтік мекемелерде көмек көрсетеді.
"Әлеуметтік студенттік кредит" жобасын іске қосу 2019 жылдың қыркүйек айына жоспарланған, ал оның тақырыптық модулі "Qazvolunteer.kz" волонтерлердің бірыңғай интернет платформасында орналасады.
