Өскемен мен ШҚО ШҚО полициясы "Қауіпсіз жол" жедел алдын алу шарасын қорытындылады
Полиция қызметкерлері жүргізушілерді тексеру кезінде, жол қозғалысы ережелерінің бұзылу себебінен болатын зардабы ауыр апаттардың алдын-алуды мақсат тұтты
Бес күн ішінде патрульдік полицейлер белгіленген жылдамдық режимінен асып кеткен 485 жүргізушіні анықтады. Оның 175-і жаяу жүргіншілерге жол бермеген, 83-і бағдаршамның тыйым салынған белгісіне тоқтамай жүріп кеткен.
- 743 жүргізуші көлік құралын жүргізу кезінде ұялы телефонмен сөйлескен.Көлік жүргізу құқығынан айырылған 39 жүргізуші анықталды, 46 жүргізуші апаттықжағдайды туғызғаны үшін әкімшілік жауапкершілікке тартылды, 29 жүргізушіге қарсы қозғалыс жолағына шыққаны үшін айыппұл салынған, - деп хабарлайды ШҚО ПД баспасөз қызметінде.
Сондай-ақ, жедел алдын алу шаралары кезінде полиция мыңнан астам жаяу жүргіншіні әкімшілік жауапкершілікке тартты. Жалпы, бес күн ішінде Шығыс Қазақстан облысының аумағында 5,7 мыңнан астам жол қозғалысы ережесі бұзылғаны анықталды.