Өскемен тұрғыны тонамақ болған жерінен ұсталды

31 жастағы тұрғын полицейлерге келіп, белгісіз біреулердің қалтасында жатқан ұялы телефондарын "қағып" кеткенін айтқан. Ол кафеде отырған кезінде, белгісіз бір ер адам келіп, далаға шығып келу үшін күрткі бере тұруын өтінген екен.

Ақкөңіл тұрғын да ештеңеге мән берместен, қолында тұрған киімін сұраған адамға бере салған. Ал күркінің қалтасында құны 60 мың теңге болатын төрт ұялы телефон жатқан екен. Соны ер адам күшпен тартып алған.

Полицейлер бейнебақылау камералары арқылы қылмыстың ізін суытпай, күдіктіні ұстап алды. Полиция бөлімшесіне жеткізілген соң, оның 28 жастағы жігіт екен белгілі болды. Өзі мас.

Ұрланған ұялы телефондар иесіне қайтарылды.