Өскемен мен ШҚО ШҚО тұрғынының көлігінен тапанша, пышақ пен шоқпар табылды
Жол ережелерін дөрекі бұзған жүргізуші патрульдік полиция батальонының назарын бірден аударған көрінеді
Одан бөлек, Mercedes маркалы көліктің сыртында мемлекеттік нөмірі жоқ, шамы да жағылмаған. Мұны байқаған патрульдік полиция қызметкерлері Дархан Өтепов пен Жасұлан Түсіпбеков көліктің соңына түсіп, оны тоқтатпақ болады. алайда көлік иесі бұйрықтан бас тартқан. Қашқын алысқа кете қойған жоқ. Опытное поле селосының маңында ұсталды.
- 31 жастағы жүргізуші мас болып шықты. Оған қатысты әкімшілік хаттамалар толтырылды, - деп хабарлайды ШҚО ПД.
Одан бөлек, полиция қызметкерлері көліктің ішінен травматикалық тапанша мен пышақ, рәзіңке шоқпар тауып алған. Қазір бұған қатысты сотқа дейінгі тергеу амалдары жасалуда.
