Өскемен мен ШҚО Тәртіп сақшылары Өскемен көшелеріне шығып зорлық-зомбылыққа қарсы акция жасады
Құқық қорғау органы қызметкерлері отбасылық зорлық-зомбылыққа байланысты алдын алу шарасын ұйымдастырды
Өскемен қаласы Полиция басқармасының қызметкерлері мен Өскемен-1 желілік полиция инспекторларымен бірігіп, бірнеше шара өткізді.
- Біріншіден, "Жолда қабылдау" акциясын өткіздік. Тұрғындарға сенім телефондары жазылған визиткалар таратылып, ескертпелер берілді, - деп хабарлайды мекеменің баспасөз қызметі.
Әйелдерді зорлық-зомбылықтан қорғау жөніндегі мекеменің инспекторлары "Аналар үйіне" барып, өмірдің қиын сәттеріне тап болған аналарға заңгерлік көмек берді.
Сонымен қатар, Өскемендік полицейлер "Жас Ұлан" балалар комитетінің қатысуымен флешмоб өткізді.
