Өскемен мен ШҚО Жедел жәрдем көлігі адам қақты
ЖКО кеше кешкі уақытта Қазақстан көшесі бойында орын алған
“Юбилейный” кинотеатры маңындағы жаяу жүргіншілер жолағында орын алған жол-көлік оқиғасы жедел жәрдем көлігімен қатар келе жатқан көліктің бейнетіркегішіне түсіп қалған.
Өскемен қалалық Полиция басқармасы ұсынған ақпараттарға сүйенсек, жедел жәрдем көлігі Республика алаңынан Қабанбай батыр көшесіне қарай бет алған. Анықталғандай, жедел жәрдем көлігінің дабылы қосулы болған.
Сол уақытта 21 жастағы бойжеткен реттелмейтін жаяу жүргіншілер өткелінен өтіп келе жатқан. Жедел жәрдем көлігі жолдан өтіп келе жатқан қызды қағып кеткен. Ал зардап шеккен бойжеткен бірден ауруханаға жеткізілді.
- Жедел жәрдем жүргізушісіне қатысты ҚР ҚК 345-бабы 1-бөлігі бойынша сотқа дейінгі тергеу басталды, - деп хабарлады баспасөз қызметі.
