Өскемен мен ШҚО Қала күніне орай Өскеменде тағы екі көше абаттандырылады
Облыс орталығында Молдағұлова және Энтузиастар көшелерін қалпына келтіру жұмыстары бойынша жобалар жұртшылықтың назарына ұсынылды
Биыл бұл көшелерде ауқымды жұмыстар жүргізілмек. Абаттандыру барысында мұнда балаларға арналған ойын алаңы, футбол, Street Workout алаңы, көше жарығы орнатылады деп хабарлайды Устинка LIVE тілшісі.
Абаттандыру ауданына жұмыс барысымен барған облыс әкімі Даниал Ахметов бүлдіршіндерге ойын алаңын салуға, ағаш отырғызуға, жол салуға тапсырма берді.
‒ Мұнда балалар көп, сондықтан мамандармен ақылдаса келе футбол алаңын, 400 шаршы метр ойын алаңын салу, үш километрге жол салу, бордюрлерді ауыстыру, 123 шам орнату, жаңа контейнер алаңын жабдықтау, сондай-ақ 500 шаршы метр мөлшеріндегі Street Workout алаңын құру және 150-ден астам ағаш отырғызу керек деген шешімге келдік. Жоспар бойынша аталған шара 15 қыркүйекте аяқталуы тиіс, - деп мәлімдеді қала әкімі Жақсылық Омар.