Өскемен мен ШҚО Өскемендік тұрғын зейнеткерді тонап кетті
79 жастағы зейнеткердің үйіне кеп, есігін тоқылдатқан белгісіз біреуі өзін "Водоканал" коммуналды қызметінің жұмысшысы деп таныстырған
Ойында ештеңесі жоқ қария есікті ашып, түбіртекті көрсетпек болған. Қолына папка ұстап келе жатқан қарияның қолында ақша да болған көрінеді. Оны көрген алаяқ әжейдің қолындағы ақшаны тартып алып, жоқ болып кеткен.
Ал папканың ішінде бақандай 2 млн теңгедей ақша болған. Қорлық көрген қария бірден полицияға хабарласып, оқиғаның мән-жайын айтып берген.
- Жедел іздестіру шаралары ұйымдастырылып, қылмысқа қатысы бар 29 жастағы жігіт ұсталды. Қазір "Ұрлық" бабы бойынша қылмыстық іс қозғалуда, - дейді Өскемен қаласы ПБ баспасөз қызметі.
Енді ол бес жылдан он жылға дейін бас бостандығынан айырылуы мүмкін.