Бабкина мельница ауданының жолдары қашан жөнделеді

Шұңқырдан қашпақ болғандар соғылып қалудың аз-ақ алдында жүр. Ал ойыққа түскен көліктердің аспасы сынып, жүргізушілерге шығын келуде.

Мәселен, Тимофеев көшесінде пайда болған шұңқырдың кесірінен жүргізушілер айналып өтуге мәжбүр. Отдельная мен Астафьев көшелерінің де жағдайы оңып тұрған жоқ.

- Құрғақ күндері жолдағы шұңқырды көріп, байқап жүруге болады. Ал жаңбырлы күндері жаяу жүрген жөн, - деп жазады тұрғындар әлеуметтік желіде.

Былтырлары бұл маңда аздап болсын, жол жөндеу жұмыстары жүргізіліп тұратын, биыл мүлдем қимыл жоқ.

- Жақын арада шұңқырлар жабылатын болады, - деп сендірді Өскемен қалалық әкімдігінің баспасөз қызметі.