Өскемен мен ШҚО Өскеменде үлкен жұмыс жәрмеңкесі өтеді
Өңірдің ірі компаниялары өзіне қажет мыңдаған вакант орындарын жәрмеңкеде таныстырмақ
Ал жәрмеңкенің өзі Д.Серікбаев атындағы ШҚМТУ-да 21 маусым күні сағат 11.00-де басталмақ. Жұмыс іздеп жүрген жандар жәрмеңкеге келіп жұмыс берушілермен жақын сөйлесіп, түйіндемелерін тастап, кеңес алмақ.
Қазіргі таңда Өскеменнің кәсіпкерлеріне сатушы, инструктор, энергетик, инженер-бағдарламалаушы, менеджер, супервайзер, сауда өкілі, оператор, экспедитор, технолог, электр дәнекерлеуші, слесарь, жүргізуші мен абаттандырушы адамдар керек.
Жұмыс орындарын ұсынатын компаниялардың жалпы саны 70-тен астам. Оның ішінде "Өскемен металлургия зауыты", "Эмиль", "Өскемен ұн тарту комбинаты", "Гелиос", "Техбытсервис", "№2 қалалық аурухана", "Өскемен арнайы әлеуметтік көмек көрсету орталығы" және басқа да ұйымдар мен компаниялар болмақ.
Сондай-ақ, Катонқарағай мен Глубокое, Бородулиха мен Шемонайха ауданының кәсіпорындары да жәрмеңкеге келмек.
