Семей қаласының құтқарушылары ашық құдыққа түсіп кеткен итті алып шықты

Иттің өміріне бейжай қарап өтіп кете алмаған тұрғын құтқару қызметіне қоңырау шалған

Семейдегі Волочаевская көшесінде ит беті ашық қалған құдыққа түсіп кеткен. Ал оның нақты қашан түсіп, құдық ішінде қанша уақыт жатқаны белгісіз.

Семей қалалық Төтенше жағдайлар басқармасының мамандары оқиға орнына жетіп, итті алып шықты. Енді оның өміріне төнген қауіп жоқ.