Өскемен мен ШҚО Мемлекеттік органдар қызметін цифрландыруда
2017 жылғы 12 желтоқсанда ҚР Үкіметінің №827 Қаулысымен "Цифрлық Қазақстан" мемлекеттік бағдарламасы бекітілген болатын
Осы бағдарламамен мемлекеттік органдардың қызметтерін цифрландыру бойынша биік мақсаттар қойылды. Осы мақсаттарды іске асыру үшін бейімделген заңнама, бизнесті, білім мен ғылымды қолдау шаралары, бизнесті жүргізу рәсімдерін жеңілдету, мемлекетпен өзара әрекеттесу кезінде транзакциялық шығындарды қысқарту түрінде қолдау инфрақұрылымы жасалынатын болады. Сонымен қатар, мемлекет еңбек өнімділігіне уақытты барынша босату мен экономикалық белсенді мінез-құлықты ынталандыру үшін өз азаматтарының қызмет алудағы қажеттіліктерін қанағаттандырады.
"Цифрлық Қазақстан" мемлекеттік бағдарламасын іске асыруда Шығыс Қазақстан облысы да өз үлесін қосуда. Өңірде әрқашан да жаңа технологияларды енгізуде барлық мемлекеттік органдарда электронды қызметтерді ұсыну – басты мақсаттардың бірі. Соның ішінде, әділет органдары да осы талаптарды орындауда.
- Қазіргі уақытта Әділет органдарымен электронды үкімет порталы арқылы электронды форматта 13 қызмет көрсетілді, - дейді Шығыс Қазақстан облысының құқық түсіндіру жұмысы және халыққа заң қызметтерін көрсету бөлімінің инспекторы Ернай Кусаинов. - Азаматтық хал актілерін тіркеу және заңды тұлғаларды тіркеу бағыты бойынша электрондық үкімет порталы арқылы мемлекеттік қызмет көрсету мәселесін ерекше бақылауда.
