Семейліктер Президент сайлауында белсенділік танытуда

Қала бойынша барлығы 149 сайлау учаскесі жұмыс істейді және 240 мың сайлаушы тіркелді, деп хабарлайды Устинка LIVE тілшісі.

Семей қаласының мемлекеттік медицина университетінің ғимаратында орналасқан учаскеде қала әкімі Ермак Сәлімов өз дауысын берді.

- Біздің стратегиялық бағытымыз мызғымас. Мен бүгін отбасыммен бірге келдім. Ең алдымен, тұрақтылық, өмір сапасы, жайлылығы үшін дауыс бердім, - дейді қала басшысы Ермак Сәлімов. - Барлығы заң аясында жұмыс істейді. Бұған Ресей Федерациясынан келген бақылаушылар қадағалау жасауда. 

Сондай-ақ, сайлау учаскесіне 93 жастағы Ұлы Отан соғысының ардагері Петр Коломин де келді. Ардагер осы уақытқа дейін бірде-бір сайлауды босатпаған.

- Бүгін барлық қазақстандықтар үшін басты оқиға - Президент сайлауы. 1937 жылдан бастап сайлауға қатысып келемін, - дейді Петр Михайлович. - Мен үшін бұл мереке, елдегі өзгерістер мен дамулар. Бұл оқиғаға жауапкершілікпен қарау керек.

Сондай-ақ, биылғы жылы парламент сайлауымен салыстырғанда сайлаушылардың белсенділігі айтарлықтай жоғары екенін атап өту керек. Алғаш рет 11 мыңнан астам семейлік өз таңдауын жасайды, ұйымдастырушылар оларға сыйлықтар дайындаған.