Өскемен мен ШҚО Риддерлік қара күш иелері әлемдік рекорд орнатты
Ресейдің Бердск қаласында халықаралық Siberian Challenge-7 спорт фестивалі өтіп, оған Риддер қаласынан жиналған палуандар қатысты
Пауэрлифтинг пен басқа да спорт сайыстарынан риддерлік балуандар 15 медаль алып келді: оның 11-і алтын, төртеуі күміс. Одан бөлек, біріншіліктің үш кубогін де көтеріп келді.
"ПРО" дивизионы бойынша өнер көрсеткен Григорий Шушаков бірінші кезеңде жарақат алғанына қарамастан, "Пауэрлифтинг" пен "Пауэрспорт" номинациясынан екінші орынды жеңіп алды. Ал осы дивизионда күш сынасқан тағы бір қазақстандық Евгений Епифанов "Сығымдап көтеру" және "Армлифтинг" бойынша қарсылас шақ келтірмеді. Үш бірдей алтынды қанжығаға байлады.
