Өскемен мен ШҚО ШҚО-да бір апта бойы жоғалған әйелді іздестіруде
Бородулиха ауданындағы Михайловка ауылының 62 жастағы тұрғыны үйінен шығып кетіп, әлі оралмаған
Нина Ивановна Урумбегликова 29 мамыр күні сағат 3.00-де белгісіз бағытта итімен бірге шығып кеткен.
LIDER.KZ еріктілерінің сөзіне сүйенсек, 2 маусым күні оны Семейдегі "Ақшын" сауда үйі маңынан көргендер бар. Бірақ одан кейін оның қайда кеткені белгісіз.
Жоғалған күні зейнеткердің үстінде қызыл шақпақ жейде мен қара шалбар болған. Бойы 165-170 см, шаштары ақшыл сары, көздері жасыл түсті. Ерекше белгілері: оң жақ бетінде қалы бар, ал сол жақ бетінде көзінің астында тыртығы бар. Жанына таксу тұқымды ит болған.
Еріктілер Нина Ивановнаның ара-тұра есін білмей қалатыны барын және түсініксіз сөйлеп кетуі мүмкін екендігін айтады.
Жоғалған азаматша туралы қандай да бір дерек, хабар білетіндер болса, 8-747-349-57-17 немесе 102 нөміріне қоңырау шалуларын өтінеді.
