Өскемендіктер суға шомылуды бастап кетті

Өскеменде суға түсу маусымы 1 маусымнан басталады. Алайда кей тұрғындар, анығын айтқанда балалар, құтқарушылардың ескертуіне құлақ аспай жүр.

Қазіргі уақытта Өскемен қалалық төтенше жағдайлар бойынша басқармасының мамандары жағажайларды шомылу маусымына дайындап жатыр. Шектік белгілердің қойылуын, құтқару орындарының, медицина қызметкерлерінің болуын және жағалау жағдайын тексеріп жатыр. Тексерістің соңын күтпеген балалар "Самал" саябағында суға түсе бастаған.

- Қазір суға түсі қауіпті. Жағажай енді ғана дайындалып жатыр, - дейді учаскелік инсппектор, полиция лейтенанты Дулат Атчебаев. - Тіпті, 1 маусымнан бастап балалар суға шомылуға тек ата-аналарымен бірге келулері керек. Ал өзі жалғыз жүрген болса, бірден полиция бөлімшесіне жеткізіледі.

Оқыс жағдайлардың алдын алу үшін тәртіп сақшылары мауысмнан бастап ата-аналармен кездесіп, түсіндіру жұмысатрын жүргізбек.