ШҚО-да саяжайларды су басып жатыр

Мәселен, Глубокое ауданының Каменный карьер ауылының тұрғындары бау-бақшаларын жылда су алып кететінін айтады. Саяжай да Үлбі өзеніне жақын жатыр екен.

- Өзеннің арнасынан асқан су төменде жатқан көшеге бойлап кетті. Бірнеше үй су астында қалды. Енді біздің көшені де су ала деп отырмыз, - дейді ауылдың Кристина есімді тұрғыны.

Бағбандар Үлбі өзенінің жағасына былтыр топырақ төгіліп қоршалғанымен, суға тосқауыл болмай отырғанын айтуда. Оның үстіне, күндіз-түні сел боп жауған жауынның да әсері зиян шектірейін деп отыр.

Қазір бұл маңға төтенше жағдайлар қызметінің қызметкерлері аттанып кетті.

Ал Риддер қаласының саяжай аумақтарын кешеден бастап су ала бастаған екен.

- Қазір құтқарушылар оқиға орнында жұмыс жасап жатыр. Өзен тасып жатқан жоқ. Адам өміріне қауіпті емес. Үйге де су кіріп кетеді деген қауіп сейілді, - деп хабарлайды ШҚО ТЖД.

Ал аталмыш мекеме болса, жауын-шашынның әлі де көбейетіндігін айтып, тұрғындарды сақтық шараларына шақыруда.