Өскемен мен ШҚО Бір миллион алимент төледі
Ер адам сот орындаушылардың қатысуынсыз, баласының алдындағы қарызын өтеді
Ағымдағы жылдың көктемінде "Альтернатива" ШҚ Медиация және құқық орталығына әлеуметтік желі арқылы хабарласқан келіншек күйеуінен баласына алимент өндіріп беруді өтінген. Арыз бойынша, орталық мамандары ер адамды шақырған. Әңгіме барысында анықталғандай жұптар екі жыл бұрын жанжалмен айырылысқан. Алайда бітімгерлік әдіс арқылы екі тарап мәселені бейбіт жолмен шешті.
- Тараптар балаға жақыс тәрбие беру керектігін түсіністі, - дейді кәсіби медиатор Шолпан Шалгазинова. - Ата-аналар баланың екі тараптың да махаббатына бірдей зәру екенін және жасөспірім кезеңде баланың әкесімен жиі кездесіп тұруы қажет екенін түсінді.
Баланың әкесімен кездесу уақыты белгіленді. Ал әкесі сот орындаушылардың қатысуынсыз-ақ 1 млн теңге алимент төледі.
