Өскеменде "Контракт" студенттік триллерінің алғашқы көрсетілімі өтті
Жұма күні студент режиссер Әлішер Мишелевтің "Контракт" фильмінің тегін көрсетілімі болды
Кино көруге келгендердің қарасы қалың болды. Ал С.Аманжолов атындағы ШҚМУ-нің "Журналистика" факультетінің үшінші курст студенті бұл фильмді екі жыл бойы түсірген. Ешкім де демеушілік көрсетпеген. Барлығын ынтагерлердің көмегімен түсірген.
- Бұрын режиссерлермен жеңіл, комедиялық жанрдағы фильмдерді түсіру бойынша көп жұмыс жасайтынбыз. Ал атыс-шабыс жанрында түсірілетін фильмдер өте аз, - дейді аталмыш кинода бас рөлдердің бірін сомдаған Әділ Шалымбеков.
Ал түсірілетін алаң мен әрлеу-гримге кеткен қаржының барлығын ынтагер команданың мүшелері өз қалталарынан шығарған.