Өскемен мен ШҚО Сәтпаев даңғылына жөндеу жасалып жатқанына екі жылдай уақыт болды
Самар шоссесінен бастап Жібек жолы көшесіне дейінгі сегіз жолақты магистраль осы жылдың желтоқсан айына дейін салынып бітеді
Былтыр Сәтпаев даңғылының біраз бөлігі салынып біткен болатын, енді Қазыбек би даңғылынан Шешек асуына дейінгі бөлігі мен Жібек жолы кешесіне қарай кеңейтілетін бөлігі қалды.
Құрылысы осыдан екі жыл бұрын басталған даңғылдың бөліктері басында алты жолақты болады деп жоспарланған еді. Алайда Самар шоссесіне қарай ағылатын көліктің көптігін ескерген қала билігі мұны сегіз жолақ қылып салуға кіріскен.
- Қаржыландыру жағы шешілген, қолынан іс келетін сенімді мердігер таңдалып алынды. Жол жөндеу жұмыстары біраз кедергі болуы мүмкін тұрғындарған. Бірақ азырақ шыдап, кейін жайлылыққа қол жеткізген жақсы емес пе?! - дейді облыс әкімі Даниал Ахметов.
Үлкен магистральдың қос қапталына веложолақ салынып, тротуарлар тұрғызылмақ. Тынығатын, демалатын алаңдар да салу жоспарда бар.
