Өскемен мен ШҚО Семейдің полиция қызметкерлері үш қалта ұрысын тұтқындады
Бұлар автобус аялдамасында адамдар автобусқа енді отырар уақытта оларды тонап үлгеретін көрінеді
Қылмыстық іс материалдарынан аңғарғанымыздай, әр ұры жеке-жеке әрекет еткен. Яғни, бір-біріне еш қатысы жоқ. Оларға ортағы – үшеуі де негізінен Семей мен Алматы қалаларында әрекет еткен және әрқайсысы бұрын ұрлық үшін істі болған.
- Қалта ұрыларының барлығы бір жүйемен әрекеи етеді. Сондықтан азаматтарға аса абай болуды ескертеміз. Әсіресе, адам көп жиналатын орындарда бағалы затыңыз немесе ақшаңызға мұқият болыңыз, - деп ескертеді полиция қызметкерлері.
ШҚО ПД баспасөз қызметі хабарлағандай, қазір үш азамат да тұтқындалып, уақытша қамау изоляторына тоғытылды. Әрқайсына қатысты ҚР ҚК 188-бабы бойынша сотқа дейінгі тергеу басталды.
