Өскемен мен ШҚО Инспекторларға шабуыл жасаған браконьерлер жауапқа тартылады
Облыстық Полиция департаменті 23 сәуір күні Зайсан көліндегі "Базар" аумағында балықшы мен тәртіп сақшысы арасында орын алған жанжалға қатысты жауап берді
Мекеменің баспасөз қызметі мәлімдегендей, жағдайға қатысы бар азаматтар анықталды. Олар Көкпекті ауданындағы Тассай ауылының тұрғындары болып шықты. Жеке тексеріс тағайындалды.
- Осы фактіге қатысты полиция қызметкерлері ҚР ҚК 380-бабы 2-бөлігі "Билік өкіліне күш көрсету" бойынша сотқа дейінгі тергеу жүргізуде, - дейді ШҚО ПД баспасөз хатшысы Айгерім Нұрғазина.
Осы бапқа сәйкес, полиция қызметкеріне шабуыл жасағандардың жащасы ауыр – бес жылдан он жылға дейін бас бостандығынан айырылуы мүмкін.
Естеріңізге сала кетейік. 23 сәуір күні рейдтік шаралар жүргізу кезінде «ШҚО орман шаруашылығы және жануарлар әлемі аймақтыұ инспекциясы» РММ қызметкерлерін балағаттап, күш көрсетіп, қарсылық танытқан.
