Өскемен тұрғыны полицияны алдағаны үшін жауапқа тартылмақ

Полицияға келіп арыз жазған бикеш таксиде күш көрсетіп, ұялы телефонымды тартып алды деп белгісіз бір ер адамның үстінен шағым түсірген.

Бұл деректі тергеп тексерген полицейлер оқиғаның жаңсақ екендігін байқаған. Өйткені арызданушы әйел үйде айғай-шу болмас үшін осындай қадамға барған. Кейін белгілі болғандай, бикеш қолындағы қаржысын жұмсап жіберіп, күйеуіне не айтарын білмеген екен.

- Енді жалған шағым түсіргені үшін жауапқа тартылатын болады, - деп хабарлайды ШҚО Полиция департаменті баспасөз қызметі.

Енді ол үш жылдан бес жылға дейін бас бостандығынан айыру жазасына кесілуі мүмкін.