Нашар баға алған балалардың ата-анасына айыппұл салынуы мүмкін
Түнде қыдыратын, нашар баға алатын балалардың ата-аналарын да жауапкершілікке тарту жөнінде ұсыныс жасалуда
Бұл туралы "Мұғалім статусы жөніндегі" заң жобасында қарастырылып жатыр. Айыппұлдың көлемі 7,5 мың теңгеден басталады. Заң жобасының бұл жаңашылдығы сенат депутаттарына ашуына тиді.
Десе де Білім және ғылым вице-министрі Эльмира Суханбердиева кейбір ата-аналардың баланы әдейі сабаққа әкелмейтіндігін алға тартады. Егер бала сабаққа себепсізден-себепсіз он күн бойы қатыспай кететін болса, онда іс алдымен кәмелетке толмағандар ісі жөніндегі комиссияда қаралып, кейін прокуратураға, одан кейін сотқа кетеді.
Ал оқиға жыл ішінде бірнеше рет қайталанса, 20 айлық есептік көрсеткішке дейін айыппұл төлейді.- Сот белгілі бір жауапкершілік жүктейді. Айыппұл үш айлық есептік көрсеткіштен басталады. Мұндай балалар министрлік бақылауында болады, - дейді вице-министр.