Өскемен мен ШҚО Мамандар Алтайдан табылған жануарлар өлекселерін зерттемек
Оқиға орнына аттанған полиция қызметкерлері өлген жануарлар – бостандыққа жіберілген маралдар болса керек деп болжайды
Кеше Алтай қаласының тұрғындары аша тұяқтылардың өлекселерін анықтап, полиция қызметкерлерін шақыртқан.
Құқық қорғаушылар өткен күзде оларға марал асырайтын жерден 79 жануар жіберілгені туралы ақпарат түскендігін растайды. Алайда бұл дәл сол маралдар деп дөп басып айту қиын.
- Төрт бас жабайы аң табылды. Болжам бойынша - марал. Өлекселер тәркіленіп, биологиялық сараптама белгіленеді. Сонымен қатар, қылмыстық іс ашылды, - деп түсіндірді Алтай табиғатты қорғау полициясындағы мамандар.
Тәртіп сақшылары табылған жануарлардың ешқайсында белгі болмағанын қосты.