Өскемен мен ШҚО ШҚО-да ішінде жолаушылары бар рейстік автобус аударылып қалды
Жауған қардың салдарынан жол үсті лай болып жатқандықтан жүргізуші көлік тізгініне ие бола алмай қалған
Оқыс жағдай Ақсуат-Аягөз тас жолында орын алды.
Ақжар-Алматын бағытындағы автобус жүргізушісі көлікті басқара алмай, автобус жол жиегіне шығып кетіп, аударылып қалған.
ШҚО ТЖД баспасөз қызметі мәлімдегендей, жолаушылар зардап шекпеген. Көмекке Тарбағатай аудандық ТЖБ мамандары мен полиция қызметкерлері жеткен.
- Оқиға орнына ауылдық округтен КУНГ техникасы мен екі трактор жеткізілді, - дейді аудандық төтенше жағдайлар бөлімінің басшысы Дәурен Сағатбеков. - Құтқарушылар жолаушыларды автобус ішінен шығарып алып, басқа рейстік автобусқа отырғызда. Кейін біз аударылған автобусты тұрғызып, тас жолға шығардық.
Қазіргі уақытта ІІАБ мамандары ЖКО салдарын анықтау үстінде. Оқыс жағдайға ауа райы қолайсыздығы да әсер етуі мүмкін.
