Алтай ауданының тас жолында жабайы жануарлардың терісі шашылып жатыр

Жолдан небары жүз метр жерде жатқан жануарлардың өлі денесін Овчинниковтер жанұясы көріп қалған.

- Жануарлардың бас сүйегі мен терісі электрбағандарының жанында үйіліп жатыр. Мүйіздерін кесіп алған екен. Кейін осы жерге тастап кеткенге ұқсайды, - дейді Анастасия Овчинникова.

Бұл іспен қазір құқық қорғау органдары айналысып жатыр.

Ал жергілікті аңшылардың айтуынша, бұл марал шаруашылығының төлдері болуы мүмкін.

- Өйткені күзге таман маралотыда шөп бітіп қалғаннан кейін, олар еркіндікке жіберілген еді. Оның үстіне, қолға үйретілген марал болғандықтан, адамның жанына жақын келуі мүмкін, - дейді мамандар.

Жергілікті тұрғындардың айтуынша, жануарлардың терісі мен сүйегін бұған дейін бірнеше рет табылған екен. Соның бірі Путинцев ауылы маңында табылған "сүйектерді" де тәртіп сақшылары тексеріп жатыр.