Өскемен мен ШҚО ШҚО полциейлері есірткі шегіп рөлге отырған жүргізушіні ұстап алды
Полиция инспекторлары жолда кетіп бара жатқан күмәнді көлікті тоқтатқан
Ал оның 29 жастағы жүргізушісі есірткі қолданған екен.
- Сараптама көрсеткендей, жүргізушінің қанынан есірткі белгілері табылған, - дейді ШҚО ПБ баспасөз қызметі.
Көліктің ішін тексерген полицейлер сырты полиэтилен қаптамамен оралған жасыл түсті затты тауып алған. Ал жүк салғышында битаға ұқсас рәзіңке таяқ болған.
- Жүргізушіге әкімшілік хаттама толтырылды. Ал көлік арнайы тұрақжайға апарып қойылды. Жүргізуші үш жыл көлік жүргізу құқығынан айырылуы мүмкін, - дейді мекеменің баспасөз хатшысы Айгерім Нұрғазина.
Полиция басқармасының мәліметтеріне сүйенсек, жыл басынан бері есірткі шегіп көлікке отырған 27 жүргізушіні ұстаған екен.