ШҚО тұрғыны сібір жарасына шалдыққан болуы мүмкін

Катонқарағай ауданының Кіші Нарын ауылының тұрғыны сібір жарасын жұқтырды деп болжам жасалуда

Ауылдың 60 жастағы тұрғыны Катонқарағай орталық аудандық ауруханасына жатқызылды

- Науқастың қанынан алынған талдама зертханаға жіберілді, - дейді облыстық денсаулық сақтау басқармасы.

Инфекционист, эпидемиологтан құралған мамандар тобы індет шыққан аймақты тексеру үстінде.

- Науқастың жағдайы мен оның жанында болған үш адамның жағдайы қалыпты, - дейді денсаулық сақтау мекемесі.

Қазір бұл маңда терең зерттеу жұмыстары жүргізілуде. Сібір жарасына шалдыққан ауру малдың етін сату фактісі тіркелген жоқ.

Біздің Telegram арнамыздағы ең маңызды нәрселер