Бейнекамераға "қол шығарғаны" Өскемен тұрғыны сотқа тартылды

Көршілердің дүртараз болғанына ұзақ уақыт болған. У-шудан шаршаған біреуі үйінің алдына бейнекамера орнатып, ауласын қорғауға алған. Алайда көршісі оны одан әрі "жындандырып" бейнекамераның жанынан өткен сайын сайын қол шошайтып кетеді екен.

Қорлық көрген көршісі болса, сотқа арызданған. Соттың шешімі кеше шықты. Алайда сот судьялары мұнда тұрған еш әбестік жоқ екендігін алға тартып, әкімшілік жаза қолданудан бас тартқан. Судьялардың айтуынша, айыппұл қоғамдық тәртіпті бұзғандар мен адамдардың мазасын алғандарға ғана салынады.

- Ұзақ кеңестік. Кейін бұл жерде қоғамдық тәртіп бұзылған жоқ деген шешімге келдік. Мұнда адамның ар-намысына тию бар, сондықтан іс қылмыстық тәртіп бойынша қаралуы тиіс, - дейді Өскемен мамандандырылған әкімшілік сот төрағасы Сайран Ыбраев.

Ал шағымданушы болса, соңына дейін барамын деп отыр. Ол енді қылмыстық сотқа шағымдануды ойланғысы келеді.