Өскемен мен ШҚО Өскемендік жасөспірімнің аяғына оқ тиді
Аулада ойнап жүрген жасөспірімдерге қайдан келгені белгісіз біреуінің аяғына келіп оқ тиген
Сәуірдің үші күні кешке таман Өскемен қаласының 35 жастағы тұрғыны полицияға хабарласып, 13 жастағы ұлының жараланып қалғанын айтқан.
Кейін белгілі болғандай, аулада ойнап жүрген сыныптас достардардың біріне келіп сол жақ табанына оқ тиген екен. Жасөспірімдер сол уақытта қарудың дауысын естігенімен, қай жақтан атылғанын аңғара алмаған. Оның үстіне, сол уақытта олардан басқа аулада жүрген жан болмаған.
- Аталмыш оқиға бойынша қазір тергеу алды амалдары жасалуда, оқ сараптамаға жіберілді, - дейді Өскемен қаласы ПБ баспасөз қызметі.