Өскемен мен ШҚО Өскемен полицейлері есірткі затын сатушыларды ұстады
Қос қаскөйдің бірінен бір келіден артық "Жылдамдық" атты есірткі заты табылды, оны сататын болса, қылмыскерлерге 30 млн теңгедей пайда түсетін еді
ШҚО ПД есірткіге қарсы басқарма мамандары "жеңіл" ақша тауып, есірткі сатып байымақ болғандарды ұстады. Оның бірінде 1200 грамм немесе 4 мың дозаға жететін "Жылдамдық" атты есірткі заты табылған.
Тәртіп сақшыларының тінту жұмыстарының арқасында заңсыз есірткі айналымы біршама азайған. Мәселен, қазір героинді сату мен табу мүмкін емес. Әлеуметтік желілер мен сайттар тексеріліп, күмәнді парақшалар құлыпталуда.
Полицейлер есірткіге қарсы күреске тұрғындардың да көмектескенін қалайды. Ол үшін психотроптық заттарды көрген адамдар болса, 8(7232)26-42-76 сенім телефонына хабарласуға болады.