Өскемен мен ШҚО Өскемен тұрғыны өрт сөндірушілерге ризашылық білдірді
Өрт сөндірушінің ерлігіне тәнті болған қала тұрғыны Любовь Раченкова өмірін құтқарып қалған жанға алғыс білдіру үшін бөлімге өз аяғымен келген
Ал зейнеткерді құтқарып қалған өрт сөндіруші Диас Молдажанов болатын.
24 наурыз күні Қабанбай батыр көшесіндегі үйлердің бірінде өрт болып, құлағы кеміс әйел жалын лаулаған бөлменің ішінде қамалып қалған екен. Құтқарушылардың арасында Диас Молдажанов бесінші қабатқа бірінші болып көтеріліп, әйелді сыртқа алып шыққан.
- Өрт сөндіру қызметінің мамандары күн сайын өмірлерін қатерге тігіп, жұмыс жасайды. Алайда өрт сөндіру қаһармандарына алғыс жиі айтыла бермейді. Сондықтан жылы сөздің өзі құтқарушылар үшін үлкен "сыйлық" болды, - дейді Өскемен қаласы ТЖБ баспасөз қызметі.