Өскемен мен ШҚО Өскеменде "Айыппұл төле" рейдтік іс-шарасы өтуде
Әкімшілік айыппұлды өндіру мақсатында ағымдағы жылдың 27-29 наурыз күндері Өскемен қаласы Полиция басқармасының қызметкерлері "Айыппұл төле" рейдтік іс-шарасын өткізуде
Қолданыстағы заңнамаға сәйкес, айыппұлды төлеуден жалтаратын тұлғаларға қатысты Қазақстан Республикасы Әкімшілік құқықбұзушылық туралы кодексінің 669-бабы бойынша әкімшілік өндірістік іс қозғалатын болады, аталған бабта жеке тұлғаларға қатысты 10 АЕК көлемінде немесе бес тәулікке дейінгі әкімшілік қамаққа алу санкциясы көзделген.
Сонымен қатар, ҚР Әкімшілік құқықбұзушылық туралы кодекстің 785-бабына сәйкес айыппұл төлеуден жалтаратын тұлғалардың көлік құралдары арнайы тұраққа қойылады. Сондай-ақ, көлік құралын уақытша сақтау әкімшілік айыппұлды толық көлемде төлеуге дейін ұзартылатын болады.
