Жазасын өтеушілер мерекені атап өтті

ОВ-156/1 мекемесінің мәжіліс залында Халықаралық әйелдер күніне арналған мерекелік мәдени іс-шара салтанатты жиналыстан басталды. Шаруашылық қызмет көрсету жасағындағы сотталғандарға тәрбие жұмысы бөлімінің бастығы әділет капитаны Нұржан Тастанбеков сөз сөйлеп, сотталғандарды мерекемен құттықтады. Аталмыш іс-шараларды ұйымдастыру үшін мекеменің барлық қызметкерлері жұмылдырылды.

- Е. Калиев жүргізуші болып, басқа азаматтар ән мен күйден шашу шашып, мерекенің көркін қыздырды, - дейді ОВ-156/1 мекемесінің маманы М. Айтқали. - Осы мерекеге белсене қатысқан азаматтар марапатталды. Мерекелік қабырға газетін шығарған Айнұр Сахариева мен Александр Панин мекеме бастығы атынан марапатқа ие болды. Сотталғандардың бос уақыттарын тиімді пайдалану үшін мерекелік кеш әрі қарай сотталғандар арасында қол күрес, гір көтеру, үстел тенисі, нарды, шахмат, дойбы сынды спорттық ойындарымен өз жалғасын тапты.