Өскемен мен ШҚО Өскеменде соғылып қалған көлік жүргізушісінің бірі ішімдік ішкен болып шықты
Жол көлік оқиғасы кеше түнде "Дина" базары маңында болған
Абай даңғылында Skoda Superb мен Lada Priora көліктері соғылып қалды.
- Skoda көлігінің жүргізушісінің ішімдік ішкені белгілі болды. Даңғыл бойымен келе жатып, қарама-қарсы бетке шығып кеткен. Лада көлігінің жүргізушісі ауруханаға жеткізіліп, кейін үйге қайтарылды, - дейді Өскемен қаласы ПБ баспасөз қызметі.
Ал ішімдік ішкен жүргізушіге қатысты тергеу амалдары басталды. Ол екі жылға дейін бас бостандығынан айырылуы мүмкін.