Өскемен мен ШҚО Ауруханаға түскен ШҚО тұрғындары іріктеуден өткен
Шығыс Қазақстан ауруханаларында науқастарды емдеудің жаңа жүйесі енгізілмек
Енгізілгелі жатқан 3Н-жүйесі ауруханаға түскен науқастардың денсаулығына қарай үш топқа бөліп, ем-дом жасауға мүмкіндік береді.
- Бұл жүйе қазір 10 ауруханаға енгізілген. Семей жедел жәрдем ауруханасы, Аягөз бен Алтай аудандық ауруханалары науқастардың ауыр жағдайына қарай жіктеп, қызмет көрсете бастады. 3Н-жүйесі жағдайы қиын науқастарға дер кезінде көмек көрсетуге мүмкіндік береді, - дейді ШҚО Денсаулық сақтау басқармасының басшысы Марат Шоранов.
Бас дәрігердің сөзіне қарағанда, науқастар үш топқа жіктелетін болады: қызыл, сары және жасыл. Мәселен, қан тоқтамай, миына зақым келген, ауыр жарақат алған, өміріне қауіп төніп тұрған аурулар қызыл аймаққа кіргізіліп, көмек көрсетіледі. Ал қызыл аймақтың ішінде наркоз аппараты, дефибрилляторами, монитор сынды құрал-жабдықтар орналастырып, дереу көмек көрсетуге жағдай жасалмақ.
