Өскемен мен ШҚО Өскеменде трамвай жолдарын жөндеуге қанша шығын кетеді
Ағымдағы жылы аталған жұмыстарға үш жүз миллион теңге жұмсалмақ
Бірінші кезекте ең тозған учаскелер жөнделмек, деп хабарлайды Устинка LIVE тілшісі. Бұл 32 өтпедегі жолдар мен трамвай рельстерінің түйісуі - Мызы - Қазақстан, Қабанбай батыр - Қазақстан көшелері, Үлбі көпірінен кіру және шығу, Ворошилов көшесіндегі барлық қиылыстар.
- Қалалық трамвай паркінің коммуналдық меншікте болуынан оң өзгерістер байқалады, - деді ШҚО мәслихатының хатшысы Владимир Головатюк. - Өскеменде бұрынғыдай алты вагон ғана емес, 16 вагон қатынайды. Қазір біз барлық проблемалық өткелдерді жөндеуге қаражат қарастырдық. Бұл облыс орталығындағы көлік шиеленісін төмендетеді және экологиялық жағдайды жақсартады.
2019 жылы қалалық бюджеттен рельстерді, кабельді желілерді күтіп ұстауға және ағымдағы жөндеуге, трамвайларға арналған жинақтауыш материалдарды сатып алуға шамамен 250 миллион теңге бөлінді.